ލ. ފޮނަދޫން ޕީޕީއެމްގެ އިސް ބައެއް ފަރާތްތައް އެމްޑީޕީއަށް ސޮއިކޮށްފި

ލ. ފޮނަދޫން ޕީޕީއެމްގެ އިސް ބައެއް ފަރާތްތައް ރޭގެ ވަގުތެއްގައި އެމްޑީޕީއަށް ސޮއިކޮށްފިއެވެ. އެގޮތުން ފޮނަދޫ ޕީޕީއެމް ޒުވާނުންގެ ގޮފީގެ އިސްފަރާތެއްކަމަށްވާ އިބްރާހިމް މޫސާ ހިމެނެއެވެ.

ރިޔާސީ އިންތިޚާޞުގެ ފުރަތަމަ ބުރުން އެމްޑީޕީއަށް ރާއްޖޭގެ ރައްޔިތުންގެ ތާއިދު ފުރިހަމައަށް ލިބިފައިވާކަން ހާމަވިފަހުން ގިނަބަޔަކު އަންނަނީ އެ ޕާޓީއާއި ގުޅެމުންނެވެ. ޚާއްޞަގޮތެއްގައި މިހާރު ލ. އަތޮޅަށް ވަޑައިގެން އުޅުއްވާ ލާމު ކެމްޕޭން ކޯޑިނޭޓަރ މާރިޔާ ގެ ކުރިފުޅުމަތީގައި ގިނަބަޔަކު އަންނަނީ އެމްޑީޕީއަށް ސޮއިކުރަމުންނެވެ.

ލ. މާމެންދޫ ކައުންސިލް މެންބަރަކުވެސް އިއްޔެވަނީ އެމްޑީޕީއަށް ސޮއިކޮށްފައެވެ. ލ. މާމެންދޫ ކައުންސިލް މެންބަރު ހަމީދަކީ ޑީއާރްޕީ ޓިކެޓްގައި ކައުންސިލަށް ހޮވުނު ބޭފުޅެކެވެ. އަދި ދާދިފަހުން ޖުމްހޫރީ ޕާޓިއަށްވެސް ސޮއިކުރެއްވި ބޭފުޅެކެވެ.