ލ.
ކުނަހަންދޫ އާއި ހދ. ވައިކަރަދު ބަނދަރު ހެދުމުގެ މަސައްކަތް 64.2 މިލިއަން ރުފިޔާ އަށް
އެމްޓީސީސީއާ އިއްޔެ ހަވާލުކޮށްފި އެވެ.
ހައުސިން
މިނިސްޓްރީގައި ބޭއްވި ރަސްމިއްޔާތެއްގައި ބަނދަރު ހެދުމުގެ ދެ
އެއްބަސްވުމުގައި ހައުސިން މިނިސްޓްރީން ސޮއިކުރެއްވީ މިނިސްޓަރު ޑރ. މުހައްމަދު
މުއިއްޒެވެ.
އެމްޓީސީސީއާ
އެކު ވެފައިވާ އެއްބަސްވުމުގެ ދަށުން، އަންނަ މަހު މެދުތެރޭގައި
މަސައްކަތް ފަށައި އަހަރެއްހާ ދުވަހުގެ ތެރޭގައި އެ ބަނދަރު ނިންމަން
ޖެހެ އެވެ. އެ ރަށުގެ މިހާރުގެ ބަނދަރަކީ 700 ފޫޓު ދިގު 250 ފޫޓު ފުޅާ ބަނދަރެކެވެ.
ނަމަވެސް އެމްޓީސީސީން އެ ރަށުގައި އަލަށް ހަދާނީ 900 ފޫޓޫ ދިގު 250 ފޫޓު ދިގު ބަނދަރެއް ކަމަށް
މިނިސްޓަރު މުއިއްޒު ވިދާޅުވި އެވެ. އެ ބަނދަރު އެމްޓީސީސީއާ ހަވާލުކޮށްފައި
ވަނީ 41.1 މިލިއަން
ރުފިޔާއަށެވެ.
އެ
ބަނދަރުގައި ބޮޑު ހިލައިގެ 345 މީޓަރުގެ ބޭރު ތޮއްޓެއްލައި ބޮޑުހިލައިން 90 މީޓަރުގެ ރިވެޓްމަންޓެއް
ޖެހުމުގެ އިތުރުން 393 މީޓަރުގެ ކޮންކްރީޓް އެއްގަމު ތޮއްޓެއް ލާނެ
ކަމަށް ވެސް ހައުސިން މިނިސްޓްރީން ބުންޏެވެ.
ކުނަހަންދޫ
ބަނދަރު ހެދުމުގެ މަސައްކަތް 23.1 މިލިއަން ރުފިޔާ އަށް އެމްޓީސީސީއާ
ހަވާލުކޮށްފައި ވަނީ އަށް މަސް ދުވަހުގެ ތެރޭގައި ނިންމުމަށެވެ.
މި މަޝްރޫއުގެ ދަށުން ކުނަހަންދޫގައި 400 ފޫޓު ދިގު 250 ފޫޓު ފުޅާ ބަނދަރެއް ހަދާނެ
ކަމަށް ހައުސިން މިނިސްޓްރީން ބުންޏެވެ.
ހައުސިން
މިނިސްޓްރީން ބުނީ ކުނަހަންދޫ ބަނދަރު އަލުން ހަދާނީ ބޮޑު ހިލައިން 200 މީޓަރުގެ ބޭރު ތޮއްޓެއްލައި
ބޮޑުހިލައިން
80 މީޓަރުގެ ރިވެޓްމަންޓެއް ޖެހުމުގެ އިތުރުން 202 މީޓަރުގެ ކޮންކްރީޓް އެއްގަމު ތޮއްޓަކާ
އެކީގައި ކަމަށެވެ.
މިނިސްޓަރު
ވިދާޅުވީ ކުރިއަށް އޮތް ތަނުގައި ގާތްގަނޑކަށް 25 ރަށުގެ ބަނދަރުގެ
މަސައްކަތް ފަށާނެ ކަމަށެވެ. ނަމަވެސް އެއީ ކޮން ބަނދަރުތަކެއް ކަމެއް
މިނިސްޓަރު ވިދާޅެއް ނުވެ އެވެ.
No comments: