މާމެންދޫގައި އެމްޑީޕީ އިސް ބޭފުޅުން ބައިވެރިވާ ޖަލްސާއެއް މިރޭ އޮންނާނެ

މަރިކަލްޗަރ (ފަޅުގޮވާން ކުރުން) ސިޔާސަތު ލ. އަތޮޅު މާމެންދޫގައި އިފްތިތާޙް ކުރުމަށް ވަޑައިގެންނެވި ޓީމުގެ މެންބަރުން ބައިވެރިވެލައްވާ ޚާއްޞަ ޖަލްސާއެއް މިރޭ މާމެންދޫގައި އޮންނާނެ ކަމަށް ފޮނަދޫ ދާއިރާއިން ބުނެފިއެވެ.

މިރޭގެ ޖަލްސާގައި މަރިކަލްޗަރ ލ. ދާއިރާތަކުގެ ކޯޑިނޭޓަރަކީ މައްޗަންގޮޅީ އުތުރު ދާއިރާގެ މެމްބަރު އަލްއުސްތާޛާ މާރިޔާ އަހުމަދު ދީދީ އާއި އެމްޑީޕީ އަނެހެނުންގެ ގޮފީގެ ރައީސާ ޝިޔާމާ އަޙްމަދާއި އިސްދޫ ދާއިރާ ރައީސް ޢުމަރު ޢަބްދުއް ރައްޒާޤް (މަންނި) އާއި ދޮންބިލެތް އަޙްމަދު ބައިވެރި ވެލައްވައެވެ. މީގެ އިތުރުން ފޮނަދޫ ދާއިރާގެ ރައީސް މުޙައްމަދު ޒާހިރު (އޯކޭ ޒާހިރު) ވެސް ބައިވެރި ވެލައްވައެވެ.

މި ޖަލްސާ އައިލެންޑް ޓެލެވިޜަން އިން ލައިވް ވެބްކާސްޓް ކުރުމަށް ހަމަޖެހިފައި ވެއެވެ. މި ޖަލްސާ ފެށުމަށް ހަމަޖެހިފައިވަނީ މިރޭ 09:00 ގައި ކަމަށް މަޢުލޫމާތި ލިބެއެވެ.