މިއަހަރުގެ އޭޕްރީލް މަހުގެ 16 ވަނަ ދުވަހުގެ ވަގުތެއްގައި އެ ހޮސްޕިޓަލުން އެބޯޝަން ހަދާފައިވާ މި މައްސަލައާއު ގުޅިގެން މި މެއި މަހުގެ 08 ވަނަ ދުވަހު 26 އަހަރުގެ އަންހެނަކު ލ. ގަން ޕޮލިސް ސްޓޭޝަންގެ ބެލުމުގެ ދަށަށް ވަނީ ގެނެސްފައެވެ. އޭނާ ފުލުހުންގެ ބެލުމުގެ ދަށަށް ގެނެސްފައިވަނީ ކޯޓުއަމުރެއްގެ ދަށުންނެވެ.
ފުލުހުންގެ ބެލުމުގެ ދަށަށް ގެނެސްފައިވާ އަންހެންމީހާ އެބޯޝަން ހައްދާފައިވަނީ އޭނާ އަކީ މީހަކާއި އިނދެގެން އުޅުނު މީހެއްކަމަށްބުނެ ހޮސްޕިޓަލަށް އޮޅުވާލައިގެންނެވެ. މިގޮތުން މީގެ 6 އަހަރު ކުރިން ކައިވެނިކޮށްގެން އުޅުނު މީހާއަކީ މިހާރުވެސް އޭނާގެ ފިރިމީހާކަމަށް ބުނެ ހޮސްޕިޓަލަށް އޮޅުވާލައި ދޮގު މަޢުލޫމާތު ދީފައިވާކަން މިހާތަނަށް ބެލިބެލުމުން އެނގިފައި ވާކަމަށް ފުލުހުން ބުނެއެވެ..
ނަމަވެސް ދަރިފުޅު އެބޯޓުކޮށްލާފައި ވަނީ ބަނޑަށް ކިތައް މަހުގައި ކަމެއް ގަމު ރީޖަނަލް ހޮސްޕިޓަލުން ވަނީ ސާފުވާ ގޮތް ނުވެފަ އެވެ.
އެ ހޮސްޕިޓަލް ހިންގެވުމާ މިވަގުތު ހަވާލުވެ ހުންނެވި މުހައްމަދު އަބުދުއްސަމަދު ވިދާޅުވީ އެކަމަކީ އޭނާ ހޮސްޕިޓަލާ ހަވާލުވުމުގެ ކުރިން ހިނގާފައިވާ ކަމަކަށް ވާތީ އެކަމުގެ ތަފްސީލް އެނގިވަޑައިނުގަންނަވާ ކަމަށެވެ. އަދި އެކަމާ ބެހޭ މައުލޫމާތެއް ސާފުކުރެވޭނީ އަންނަ އާދިއްތަ ދުވަހުގެ ފަހުން ކަމަށް ވެސް އޭނާ ވިދާޅުވި އެވެ.
މި މައްސަލަ ލ. ގަން ޕޮލިސް ސްޓޭޝަނުން ދަނީ ތަހުޤީޤް ކުރަމުންނެވެ.
No comments: