ފޭސްބުކް ގްރޫޕެއް ކަމަށްވާ “ޓީމް ޕަލެސްތީނާ” އިން އާންމުކުރި ފޮޓޯތަކަކުން ފެންނަ ގޮތުގައި ރައީސް ވަހީދާއި އަނބިކަނބަލުން އިލްހާމް “ޗާރޗް އޮފް ނެޓިވިޓީ”އަށް ވަޑައިގެން އެތަނުގެ އިސް ފާދިރީންނާއި ބައްދަލުކޮށް ވަނީ ފޮޓޯ ނަގާފައެވެ.
އިންޓަރނޭޝަނަލް އިސްލަމިކް ކޮންފަރެންސް އޮފް ބައިތުލް މަޤްދިސްގެ 4 ވަނަ ބައްދަލުވުމުގައި ބައިވެރިވެވަޑައިގަތުމަށް ފަލަސްތީނާ ރައީސް ވަހީދާއި އެމަނިކުފާނުގެ އަނބިކަނބަލުން ކުރައްވަމުން ގެންދަވާ ދަތުރުފުޅުގެ ހަބަރުތައް ވަގުތުން ވަގުތައް ގެނެސްދޭ ރައީސް އޮފީހުގެ ވެބްސައިޓުގައިވެސް މިކަމާ ބެހޭގޮތުން އެއްވެސް ހަބަރެއް ޖަހާފައެއް ނުވެއެވެ.
ވަހީދާ އެކު ފުޅާ ކޯލިޝަނެއް ހައްދަވައިގެން “ދީނާއި ޤައުމަށްޓަކައި” ބޮޑެތި ކެމްޕެއިންތަކެއް ކުރައްވަމުން ގެންދަވާ އަދާލަތުޕާޓީން ވަހީދު ޗާރޗަކަށް ވަޑައިގެން އެތަނުގެ ފާދިރީންނާއި ބައްދަލުކުރުމުން އަދި އެކަމާ ބެހޭގޮތުން އެއްވެސް އެއްޗެއް ބުނެފައެއް ނުވެއެވެ.
No comments: