250 ސެންޓަރުގައި އޯލެވެލް އިމްތިހާން ފަށައިފި

ޖުމްލަ 8280 (އަށް ހާސް ދުއިސައްތަ އައްޑިހަ) ދަރިވަރުން ބައިވެރިވާ އޯލެވެލް އިމްތިހާނު މިއަދު ފަށާފައިވާއިރު އިމްތިހާން ކުރިއަށް ދާނީ 196 ސުކޫލުގައާއި 54 އަމިއްލަ ސެންޓަރުތަކުގައި ކަމަށް ޑިޕާރޓްމަންޓް އޮފް ޕަބްލިކް އެގްޒަމިނޭޝަނުން ބުނެއެވެ.

އޯލެވެލް އިމްތިހާނު މިއަދު ހެނދުނު 9 ޖެހިއިރު ފެށިފައިވާއިރު މިއިމްތިހާނަށް ސުކޫލުތަކުން ވަނީ ވަރަށް ބޮޑަށްތައްޔާރު ވެފައިކަން ފާހަގަކޮއްލެވެއެވެ.

މިއަހަރުގެ އޯލެވެލް އިމްތިހާނުފެށިފައި މިވަނީ ސިޔާސީ ގޮތުން މާލެތެރެ ވަރަށް ހަލަބޮލިވެފައިވާ ދަނޑިވަޅެއްގައި ކަން ފާހަގަކޮށްލެވެއެވެ.

މިއަހަރަކީ މާލޭގެ ހުރިހާ ސުކޫލެއްގައި އޯލެވެލް އިމްތިހާނު ކުރިއަށް ގެންދާނެ ފުރަތަމަ އަހަރެވެ.

މިދިޔަ އަހަރުގެ އޯލެވެލް އިމްތިހާނު އެއްވެސް މައްސަލައެއް ނެތި ކުރިއަށް ގޮސްފައިވާއިރު 2011 ވަނަ އަހަރުގެ އޯލެވެލް އިމްތިހާނުގެ ދިވެހި ޓެސްޓުގައި މައްސަލަ ޖެހިގެން އެޓެސްޓްވަނީ އަލުން ނަގާފައެވެ.