ރިޔާސީ އިންތިޚާބް 2013 - ލ. އަތޮޅުގެނަތިޖާ

މިމަހު 9 ވަނަ ދުވަހު ބޭއްވުނު ރިޔާސީ އިންތިޚާބްގެ ވަގުތީ ނަތީޖާ މިރޭ އިޢުލާނުކޮށްފައިވާއިރު އެ ނަތީޖާއިން ލ. އަތޮޅުގެ މެޖޯރިޓީ ތާއިދު ހޯއްދަވާފައިވަނީ އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝީދު އެވެ.

ލ. އަތޮޅުގެ ނަތީޖާއަށް ބަލައިލާއިރު އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝީދު ވަނީ 39.28 އިންސައްތަ ހޯއްދަވާފަ އެވެ. އެއީ އަތޮޅުގައިތިބި ވޯޓް ލުމުގެ ޙައްޤު ލިބިފައިވާ 10505 މީހުންގެ ތެރެއިން 3706 މީހުންގެ ވޯޓެވެ.

ޕީޕީއެމްގެ ރިޔާސީ ކެންޑިޑޭޓް ޢަބްދުﷲ ޔާމީން އަށް ލިބިލައްވާފައިވަނީ 3599 ވޯޓެވެ. އެއީ އިންސައްތައިން ބަލާނަމަ 38.15 އިންސައްތައެވެ.

ޖުމްހޫރީ ކޯލިޝަންގެ ކެންޑިޑޭޓް ޤާސިމް އިބްރާހިމަށް ލިބިލެއްވީ 2130 ވޯޓެވެ. އެއީ 22.58 އިންސައްތަ އެވެ.

ލ. އަތޮޅުގައި ބެހެއްޓީ 21 ވޯޓް ފޮށްޓެވެ. ވޯޓްލުމަށް ރެޖިސްޓްރީގައި ހިމެނިފައިވާ 10505 މީހުންގެ ތެރެއިން ވޯޓް ލައިފައި ވަނީ 9543 މީހުންގެ ވޯޓެވެ.

ރިޔާސީ އިންތިޚާބްގެ ފުރަތަމަ ބުރާއި އަދި ބާޠިލް ކުރެވުނު ބުރުގެ ލ. އަތޮޅުގެ ވަކިވަކި ނަތީޖާ ޝީޓްތައް ތިރީގައި އެވަނީއެވެ.