ރިޔާސީ އިންތިޚާބް 2013 ފުރަތަމަ ބުރުގެ ވަގުތީ ނަތީޖާ އިޢުލާނުކޮށްފި

02:37: ރައީސަކު ހޮވުމަށް ބާއްވާ އިންތިހާބުގައި ގާސިމުގެ އެއްބާރުލުން ބޭނުންވާކަމަށް މަހުލޫފު ވިދާޅުވި.
 
02:34: ޖުމްހޫރީ ކޯލިޝަނުން ބައްދަލުވުމެއް ކުރިއަށް ދަނިކޮށް ޔާމިން ވަޑައިގެން ބައްދަލުކުރެއްވީ. އަޅުގަނޑުމެންނަށް އެބޭފުޅުން ހުށައެޅުއްވީ ތާއިދުކޮށްދިނުމަށް. މިހާރު ކޯލިޝަނެއް ނޯންނާނެ. ކޮންމެ ޕާޓީއަކުންވެސް އެބައަކު ނިންމާނެގޮތެއް އެބަޔަކަށް އެނގޭނީ. އެއްވެސް ބައެއް ވަކިގޮތެއް ނުނިންމާ - ޚަލީލް

02:32: ނިއުސް ކޮންފަރެންސް ނިންމާލައިފި

02:31: ފުއާދު ވިދާޅުވީ ގަޑިއެއްހާއިރު ތެރޭގައި ރަސްމީ ނަތީޖާ އިއުލާނުކުރެވޭނެކަމަށް. މިހާރު ރަސްމީ ނަތީޖާ ތައްޔާރުކުރަމުންދާކަމަށާއި އެހެންކަމުން ޗެކްކުރުމަށް ފަހު ރަސްމީ ނަތީޖާ އިއުލާނުކުރާނެކަމަށް ފުއާދު ވިދާޅުވި.

02:30 ޑިމޮކްރެޓިކް ނިޒާމެއްގައި އިންތިޚާބީ ވެރިއަކު ހުރުމަކީ މަޖުބޫރުކަމެއް - ފުއާދު 

02:29: ގަޑިއެއްހައި އިރު ތެރޭގައި ދާއިމީ ނަތީޖާ އިޢުލާނު ކުރެވޭނެ- ފުއާދު
މާދަމާ ނުބޭއްވިއްޖެ ނަމަ ދެން ބޭއްވޭނެ ދުވަހެއް ނޭނގޭކަމަށާއި ނަމަވެސް ވޯޓްލުމުގެ ހައްގު ވީހާވެސް ގިނަ ރައްޔިތުންނަށް ލިބޭނެގޮތަކަށް އިންތިހާބު ބާއްވަން ބޭނުންވާކަމަށް ވެސް މަނިކު ވިދާޅުވެއްޖެ.
 

02:24: މާދަމާ އިންތިހާބު ނުބޭއްވި ނަމަ ފޮނުވާފައިވާ މީހުން ގެންނަންޖެހޭނެ. އެހެންކަމުން ދެވަނަ ފަހަރަށް މީހުން ފޮނުވަންޖެހޭނެ. ލަފާކުރާގޮތުގައި 25 މިލިއަން ރުފިޔާ ހަރަދުވާނެ.

02:14: ރިޔާސީ އިންތިޚާބުގެ ދެވަނަ ބުރުގެ ވޯޓްލުން ފަސްކުރުމަށް ރިޔާސީ ކެންޑިޑޭޓުން ވަކާލާތުކުރެއްވުމަކީ ބަލައިގަނެވޭނެކަމަށް ނޫންކަމަށް ކޮމަންވެލްތުގެ ސެކްރެޓަރީ ޖެނެރެލްގެ ޚާއްސަ މަންދޫބު ސަރ. ޑޮން މެކިނަން ވިދާޅުވެއްޖެއެވެ.

02:12

އިލެކްޝަން ކޮމިޝަނުން މަސައްކަތް ކުރަމުންދަނީ މާދަމާ ރިޔާސީ އިންތިހާބުގެ ދެވަނަ ބުރު ބޭއްވުމަށްކަމަށް އެކޮމިޝަނުގެ ރައީސް ފުއާދު ތައުފީޤު ވިދާޅުވެއްޖެއެވެ.

ފުއާދު މިހެން ވިދާޅުވެފައިވަނީ މިހާރު ކުރިޔަށްދާ އިލެކްޝަން ކޮމިޝަނުގެ ނޫސްވެރިންގެ ބައްދަލުވުމުގައެވެ.

އިންތިހާބުގެ ވޯޓު ކަރުދާސްތަކާ އިންތިހާބާ ގުޅުންހުރި ލިޔެކިޔުންތައް މާދަމާ މެންދުރު ކުރިން ވޯޓުލާ މަރުކަޒުތަކަށް ފޮނުވުމަށްފަހު މެންދުރު 12 ޖަހާއިރު ވޯޓުލާން ފެށޭނެކަމަށް ޤަބޫލުކުރެވޭކަމަށް ފުއާދު ވިދާޅުވެއެވެ.

ބޭރު ގައުމުތަކަށް ދެވަނަ ބުރުގެ ވޯޓް ކަރުދާސް ވެސް ފޮނުވާފައިވާ ކަމަށްވެސް އިލެކްޝަނުން ހާމަކުރެއެވެ.

02:11: ރަސްމީ ނަތީޖާ މިރޭގެ ވަގުތެއްގައި އިޢުލާނު ކުރާނެ. މާދަމާ އިލެކްޝަންގެ ދެވަނަބުރު އަދި އޮތީ ބާއްވާގޮތަށް.

02:10: ވަގުތީ ނަތީޖާ:- މުޙައްމަދު ނަޝީދު އަށް ލިބިލެއްވި ޖުމުލަ ވޯޓް: 96747 ވޯޓް. މިއީ 46.93 އިންސައްތަ

ޢަބްދުﷲ ޔާމީން އަށް ލިބިލެއްވި ޖުމުލަ ވޯޓް: 61295 ވޯޓް. މިއީ 29.73 އިންސައްތަ.

ޤާސިމް އިބްރާހިމަށް ލިބިލެއްވި ޖުމުލަ ވޯޓް: 48131 ވޯޓް. މިއީ 23.34 އިންސައްތަ.

02:09: އިއްޔެ ބޭއްވި ރިޔާސީ އިންތިހާބު ދެ ވަނަ ބުރަކަށް ގޮސް، އެމްޑީޕީގެ ރިޔާސީ ކެންޑިޑޭޓް މުހަންމަދު ނަޝީދާއި ޕީޕީއެމްގެ ކެންޑިޑޭޓް އަބްދުﷲ ޔާމީން ވާދަކުރަން ޖެހޭނެކަން ކަށަވަރުވެއްޖެއެވެ. އިލެކްޝަންސް ކޮމިޝަނުން މިހާރު ކުރިއަށް ގެންދަވާ ނޫސްވެރިންގެ ބައްދަލުވުމުގައި ވަނީ ވަގުތީ ނަތީޖާ އިޢުލާނު ކުރައްވާފަ އެވެ.