ވަކި ކެންޑިޑޭޓަކަށް ތާއީދު ނުކުރަން ޖޭޕީން ނިންމައިފި

ރިޔާސީ އިންތިޚާބުގެ ދެވަނަ ބުރުގައި ވާދަކުރައްވާ އެއްވެސް ކެންޑިޑޭޓަކަށް ތާއީދު ނުކުރަން ޖުމްހޫރީ ޕާޓީން ނިންމައިފި އެވެ.

އެ ޕާޓީގެ ކައުންސިލް މެމްބަރަކު "ހަވީރަ"ށް ވިދާޅުވިގޮތުގައި ޕާޓީގެ ކައުންސިލުން އެ ގޮތަށް ވަނީ ފާސްކޮށްފަ އެވެ. އަދި ޕާޓީގެ ލީޑަރު ގާސިމް އިބްރާހީމް ދާދި އަވަހަށް އެކަން އިއުލާންކުރައްވާނެ ކަމަށް އޭނާ ވިދާޅުވި އެވެ. ޖޭޕީގެ ނިއުސް ކޮންފަރެންސެއް ބާއްވަން ދަނީ ތައްޔާރުވަމުންނެވެ.

ކައުންސިލް މެމްބަރު ވިދާޅުވީ ކައުންސިލްގައި މަޝްވަރާކުރީ ޕީޕީއެމަށް ތާއީދުކުރުމާ ބެހޭގޮތުން ކަމަށާއި ނަމަވެސް އެ ގޮތަށް ފާހެއް ނުވި ކަމަށެވެ. އެމްޑީޕީ އަށް ތާއީދުކުރުމާ ބެހޭގޮތުން މަޝްވަރާއެއް ނުކުރާ ކަމަށް އޭނާ ވިދާޅުވި އެވެ.