 |
| 2009 ވަނަ އަހަރު ގަން-ފޮނަދޫ ކުދިބޮޑު އެންމެން އެކުވެގެން ބޭއްވި 350 ކެމްޕޭން ގެ ޙަރަކާތް |
ދުނިޔޭގެ ތިމާވެށިގެ ދުވަސް ފާހަގަކުރުމުގެ ގޮތުން މާރޗް މަހުގެ 23 ވަނަ ދުވަހުގެރޭ (މާދަމާ ރޭ) 19:30 ން އެރޭ 22:30 އަށް އެއްގަމު އުޅަނދު ދުއްވުން މަނާ ވަގުތެއްގެ ގޮތުގައި ޓްރާންސްޕޯޓް އޮތޯރިޓީން ހަމަޖައްސައިފިއެވެ.
މިއަހަރުގެ ތިމާވެށީގެ ދުވަހުގެ މުނާސަބާ އާއި ގުޅިގެން ސަރުކާރުން އެވަގުތު ފައިމަގުގައި އުޅޭ ދުވަހެއްގެ ގޮތުގައި ހަމަޖައްސާފައިވަނީ ތިމާވެށީގެ ކަންތައްތަކުގައި ރައްޔިތުންގެ ހޭލުންތެރިކަން އިތުރުކޮށް ޢާއްމު ރައްޔިތުން އަހުލުވެރި ކުރުވުމަށެވެ. މީގެއިތުރުން އެދުވަހުގެ ރޭ 20:30 ން 21:30 އަށް (01 ގަޑިއިރުގެ ވަގުތަކަށް) ކޮންމެހެން ބޭނުންކުރަންޖެހޭ އެއްޗެހި ފިޔަވައި އެހެން ހުރިހާ އެއްޗަކުން ކަރަންޓު ކަނޑާލުމަށް ވަނީ ހަމަޖެހިފައެވެ.އެދުވަހުގެ ވަކި ވަގުތެއްގައި ފައިމަގުގައި އުޅޭ ގޮތަށް ހަމަޖެހިފައިވީނަމަވެސް އެއްގަމުގައި ދުއްވާ އިންޖީނުލީ އުޅަނދުތަކުގެ ތެރެއިން ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމުއުޅަނދާއި އެންބިއުލެންސާއި ޚާއްސަ އެހީއަށް ބެނުންވާ މީހުން ދުއްވުމަށް ޚާއްސަކުރެވިފައި ހުންނަ ސައިކަލުތަކަށް ދުއްވޭނެކަމަށް ޓްރާންސްޕޯޓް އޮތޯރިޓީން ވަނީ ހަމަޖައްސާފައެވެ. މިދެންނެވި ފަރާތްތައް ފިޔަވައި އިންޖީނުލީ އެހެން އުޅަނދު ދުއްވުމަކީ “އެއްގަމު ދަތުރުފަތުރު ޤާނޫނު” 2009/5 ގެ 5 ވަނަ މާއްދާ (ރ) ގެ ދަށުން މަނާ ކަމެއްގެ ގޮތުގައިވެސް ވަނީ ހަމަޖައްސާފައެވެ.
ފުލުހުން މިކަމުގައި ސަމާލުކަންދޭންވީ ހުއްދަދެވިފައިވާ އުޅަނދު ފަހަރަށް އެއޮތޯރޮޓީން ޚާއްސަ ހުއްދައެއް ދެވޭއިރު އަތޮޅުތަކުގައި ބޭނުންކުރާ އުޅަނދު ފަހަރަށް އަތޮޅުކައުންސިލް އިދާރާއިން ނުވަތަ ރަށު ކައުންސިލް އިދާރާއިން ހުއްދަދިންކަމުގެ ލިޔުން އޮންނަން ޖެހޭގޮތަށް ޓްރާންސްޕޯޓް އޮތޯރިޓީން ހަމަޖައްސާފައި އޮތް އޮތުމަށެވެ.
ފައިމަގުގައި ހިނގާފައި އުޅޭ ވަގުތާއި ގުޅިގެން ހަމަޖައްސާފައިވާ އުޞޫލުތަކާއި ޚިލާފުވާ ފަރާތްތަކާމެދު 2009/5 (އެއްގަމު ދަތުރުފަތުރު ޤާނޫނު) ގެ 65 ވަނަ މާއްދާގެ ދަށުން -/750 ރުފިޔާއިން ޖޫރިމަނާ ކުރެވޭނެ ކަމަށް ވަނީ އަންގަވާފައެވެ.
No comments: