ޔާމިނަށް ހޫނު މަރުޙަބާއެއް ލ. އަތޮޅުން ކިޔައިފި

ޕީޕީއެމް ޕްރައިމަރީގައި ވާދަކުރައްވާ ޔާމިން ޢަބްދުލް ޤައްޔޫމަށް މިއަދު ހެނދުނު ކައްދޫ ވައިގެ ބަނދަރުން ހޫނު މަރުޙަބާއެއް ކިޔައިފިއެވެ.

ޔާމީންގެ އިސްތިޤްބާލުގައި ފޮނަދުއާއި ގަމުން ގިނަ ޢަދަދެއްގެ ބަޔަކު އެއަރޕޯޓަށް ދިޔަކަމަށް މަޢުލޫމާތު ލިބެއެވެ. އެގޮތުން ޒުވާނުން ހުދުކުލައިގެ ގަންޖުފަރާސް ތަކެއްގައި "އަހަންނަކީ ޔާމީން" ޖަހައިގެން ގޮސް ތިބިތަން ފެނިފައިވެއެވެ. މީގެ އިތުރުން އަންހެން ސަޕޯޓަރުންވެސް އެތަނަށް ގޮސް ޔާމިނަށް މަރުޙަބާ ކިޔާފައި ވެއެވެ.

ޔާމީންގެ އިސްތިޤްބާލުގައިބައެއް ސްކޫލް ކުދިންވެސް ޕީޕީއެމް މެންބަރުންގެ ގޮތުގައި ގޮސް ތިބިކަމަށް އެތަނަށް ދިޔަ ބައެއް ފަރާތްތަކުން މަޢުލޫމާތު ދިނެވެ.