 |
| ފޮނަދޫގައި އެމްޑީޕީ ސަރުކާރުން އަޅައިދެއްވި ނަރުދަމާ ނިޒާމު އިފްތިތާޙް ކުރުމުގެ ތެރެއިން |
ވަހީދު ހަސަން މަނިކު މިހެން ވިދާޅުވީ އެމަނިކުފާނު މިމަހުގެ 17 ގައި ލ. އަތޮޅަށް ކުރެއްވި ދަތުރުފުޅުގައި ލ. ކައްދޫ މުވައްޒަފުން އެމަނިކުފާނާއިއެކު ބޭއްވި ބައްދަލުވުމުގައެވެ. އެ ބައްދަލުވުމުގައި އިން ފޮނަދޫ ރައްޔިތަކު ފޮނަދޫ ނަރުދަމާ ނިޒާމު ގުޅައިދިނުން ރަށުގެ ވަކި ބަޔަކަށް ދިނުމަށްފަހު އެކަން ހުއްޓާލާފައި ވާތީ ސަރުކާރުގެ ސަމާލުކަމަށް އެކަން ގެނައުމަށް ސުވާލު ކުރުމުން ޖަވާބެއް ދެއްވީ ފެނަކަ ކޯޕަރޭޝަންގެ އިސް ބޭފުޅެއް ކަމަށްވާ ނިމާލް އާއި ފޯނުން މަޝްވަރާ ކުރެއްވުމަށް ފަހުގައެވެ.
ފޮނަދޫ ރައްޔިތަކު މިކަން އެ ބައްދަލުވުމުގައި ހާމަ ކުރުމުން އަތޮޅު ކައުންސިލް ރައީސް މުޙައްމަދު ރަޝީދު ވިދާޅުވީ ފެނަކަ ކޯޕަރޭޝަންގެ ވެރިންގެ ފެންވަރުގެ އެއްވެސް ބޭފުޅަކާއި ނުގުޅޭ ކަމަށެވެ. އަދި ގޭގެއަށް ހޮޅި ގުޅައިދިނުމުގެ މަސައްކަތް ކޮންޓްރެކް އުސޫލުން ހަވާލުވި ކުންފުނިން މަސައްކަތް ހުއްޓާލީ ފެނަކަ އިން ތަކެތި ފޯރުކޮށް ނުދެވިގެން ކަމަށް ވިދާޅުވިއެވެ.
"ވެރިންގެ ލެވެލްގަ (ފެނަކައިގެ) ތިއްބެވި އެއްވެސް ބޭފުޅަކާ އަޅުގަނޑަކާ ނުގުޅޭ. ކޮންޓެކްޓްސް އެބަހުރި، އެހެން ނަމަވެސް އެބޭފުޅުން ފޯނެއް ނުނަންގަވާ." މުޙައްމަދު ރަޝީދު އިތުރަށް ވިދާޅުވީ ހަމައެކަނި ގުޅެނީ ޗެއަރމަން ނުޢުމާނު އާއި ކަމަށެވެ. މުޙައްމަދު ރަޝީދު މިހެން ދެންނެވުމުން ރައީސް އަރިހުގައި ހުންނެވި ބޭފުޅަކަށް އެންގެވީ ނިމާލް އާއި ގުޅާފައި އެކަން ވަގުތުން ސާފުކުރުމަށެވެ.
"މިހާރު އެހެންވީމާ ދިހަވަރަކަށް ދުވަހުގެ ތެރޭގައި މަސައްކަތް ފެށޭނެޔޯ އިނގޭތޯ. ދެން އެ ހަމަ ކުރިންވެސް ކުރި މީހުން އެ ކުރަނީ." މަޢުލޫމާތު ސާފުކުރެއްވުމަށް ނިމާލް އާއި ރައީސް ވަހީދު ވާހަކަދެއްކެވުމަށްފަހު ވިދާޅުވިއެވެ.
ފޮނަދޫ ނަރުދަމާ ނިޒާމުގެ ހައުސް ކަނެކްޝަން މަސައްކަތް ރަށުގެ ތިއްބައިކުޅަ އެއްބަޔަށް ގުޅުމަށްފަހު ހުއްޓިފައި ވަނީ މިއަހަރުގެ ފެބްރުއަރީ މަހުގައެވެ. ރައީސް ނަޝީދު އެންމެ ފަހުން ފޮނަދުއަށް ކުރެއްވި ދަތުރުފުޅުފައި ފޮނަދޫ ނަރުދަމާ ނިޒާމު ނިމި އެކަން އިފްތިތާޙް ކުރެވި ހައުސް ކަނެކްޝަންތައް ހެދުން އެކަނި އޮއްވާ އެކަން ނުކުރެވި މެދުކެނޑިފައި އޮންނާތީ ކަންބޮޑުވުން ފާޅުކުރައްވާފައި ވެއެވެ.
No comments: