އެމްޑީޕީއާ މިއަދު ގުޅިވަޑައިގެންފައިވާ ކަމަށް ރައްޔިތުންގެ މަޖިލީހުގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
ޑީއާރުޕީން
ވަކިވެވަޑައިގެންފައިވާ ޝާހިދު ޓްވިޓާގައި މީގެ ކުޑައިރުކޮޅެއް ކުރިން ވިދާޅުވީ އޭނާ
ގަބޫލުކުރައްވަނީ 2008 ގައި ގާއިމްކުރި ޑިމޮކްރެޓިކް ދިވެހިރާއްޖެ ކަމަށާއި
ހާލަތުގެ ފައިދާ ނަގާ މީހުންނާއި ހައްދުފަހަނަޅާފައިވާ މީހުން ގައުމު
ފަހަތަށް ގެންދާތަން ބަލަހައްޓަވައިގެން ނުހުންނަވާނެ ކަމަށެވެ.
އެމްޑީޕީގެ ޗެއާޕާސަން އަދި ހުޅުހެންވާރު ދާއިރާގެ މެމްބަރު ރީކޯ މޫސާ
މަނިކު ވިދާޅުވީ އަބްދުﷲ ޝާހިދު އެ ޕާޓީއާ
ގުޅިވަޑައިގެންފައިވާ ކަމަށާއި އޭނާގެ ފޯމް މިއަދު އިލެކްޝަންސް ކޮމިޝަނަށް
ފޮނުއްވާނެ ކަމަށެވެ.
ޝާހިދު އެމްޑީޕީއާ ގުޅިވަޑައިގެންނެވިކަން ރަސްމީކޮށް އެމްޑީޕީން ހާމަކުރުމަށް ހަމަޖައްސާފައި ވަނީ މާދަމާ ރޭ ކާނިވާ ސަރަހައްދުގައި އެމްޑީޕީން "އާބާރެއް" މި ނަމުގައި ބާއްވާ އެ ޕާޓީގެ ހާއްސަ ޖަލްސާއެއްގަ އެވެ.
ޝާހިދު އެމްޑީޕީއާ ގުޅިވަޑައިގެންނެވިކަން ރަސްމީކޮށް އެމްޑީޕީން ހާމަކުރުމަށް ހަމަޖައްސާފައި ވަނީ މާދަމާ ރޭ ކާނިވާ ސަރަހައްދުގައި އެމްޑީޕީން "އާބާރެއް" މި ނަމުގައި ބާއްވާ އެ ޕާޓީގެ ހާއްސަ ޖަލްސާއެއްގަ އެވެ.
No comments: