ލ. ގަމުގައި ދޮރުން ދޮރަށް ކެމްޕޭން ހިނގާގޮތުގެ މަޢުލޫމާތު ރައީސް ނަޝީދު ހޯއްދަވައިފި

ލ. ގަމު އެމްޑީޕީ ކެމްޕޭން ޓީމާއި ރައީސް ނަޝީދު ބައްދަލުކުރައްވަނީ

އެމްޑީޕީގެ ރިޔާސީ ކެންޑިޑޭޓް ރައީސް މުޙައްމަދު ނަޝީދު އިއްޔެ ތ. އަތޮޅަށް ފެއްޓެވި ދަތުރުފުޅުގައި މޫސުމް ގޯސްވުމުގެ ސަބަބުން ލ. ގަމުގައި މަޑުކުރެއްވި ކުރެއްވުމުގައި މިއަދު ހެދުނު 10:00 ކަންހާއިރު ލ. ގަމުގައި ދޮރުން ދޮރަށް ކެމްޕޭން ހިނގާގޮތުގެ މަޢުލޫމާތު ހޯއްދަވައިފިއެވެ.

ގަމުގައި ދޮރުން ދޮރަށް ކެމްޕޭން ކުރިއަށްދާގޮތް އޮޅުންފިލުއްވައި އެ މަސައްކަތް ގޮސްފައިވާ މިންވަރު އޮޅުންފިލުއްވުމުގެ އިތުރުން ދޮރުން ދޮރަށް ކެމްޕޭން ކުރިއަށް ގެންދިއުމާއި ބެހޭ އަގުހުރި އިރުޝާދުތަކެއް މިއަދު ދެއްވާފައި ވާކަމަށް ގަމު ދާއިރާގެ ނައިބު ރައީސް އިސްމާޢީލް ޢަލީ އެލްއޭ ނިއުސް އަށް މަޢުލޫމާތުދެމުން ބުނުއްވިއެވެ.

ރައީސް ނަޝީދު ތ. އަތޮޅުގެ ރަށްތަކަށް ދަތުރުކުރެއްވުމަށް އިއްޔެ ފެއްޓެވި ދަތުރުފުޅު ވިއްސާރަވުމުގެ ސަބަބުން ނިންމަވާލެއްވުމަށްފަހު މިއަދު ވަނީ މާލެ ވަޑައިގެންފައެވެ.