ވޯޓުފޮށްޓަށް ވޯޓުލާންޖެހޭ އަދަދަށްވުރެ 10000 ވޯޓު އިތުރަށް ލާފައިވާކަމުގެ މައުލޫމާތު ލިބިއްޖެ އެވެ.
އިލެކްޝަންސް ކޮމިޝަނުން މިހާރު ކުރިއަށްގެންދާ ޕްރެސްކޮންފަރެންސްގައި އިލެކްޝަންސް ކޮމިޝަނަރ ފުއާދު ތައުފީގު ވިދާޅުވީ، ވޯޓުލާފައިވަނީ ވޯޓުލާންޖެހޭ އާބާދީގެ 83 ޕަސަންޓަށްވުރެ ކަމަށެވެ.
ޖުމްލަވޯޓުލިބުމުގެ ހައްގު ލިބިގެންވާ މީހުންނަކީ 239593 މީހުންނެވެ.
މިހެންކަމުމުން މިއަދަދުގެ 83 ޕަސަންޓަކީ ވޯޓުލާފައިވަނީ، 198863
މީހުންނެވެ. ނަމަވެސް ވަގުތީނަތީޖާ ދައްކާގޮތުން 209,045 މީހުންވަނީ
ވޯޓުލާފަ އެވެ. މިހެންކަމުން 10182 މީހުން ވަނީ ވޯޓުފޮށިތަކަށް އިތުރަށް
ވޯޓުލާފައިވާކަމަށް ވަގުތީ ނަތީޖާ ދައްކަ އެވެ.
އެމްޑީޕީގެ ރިޔާސީ ކެނެޑިޑޭޓު ރައީސް މުހައްމަދު ނަޝީދައެއްބުރުން
އިންތިހާބު ކާމިޔާބު ކުރުމަށް 10000 ވޯޓު ބޭނުންވާކަން ފާހަގަކޮށްލަންޖެހެ
އެވެ.
ލާމު ކުނަހަންދޫ (004.11.1) ފޮއްޓަށް ވޯޓުލާންޖެހޭ ވޯޓުލުމުގެ ހައްގު
ލިބިފައިވާ އަދަދަކީ 438 މީހުންނެވެ. ނަމަވެސް އެފޮށްޓަށް 690 މީހުން
ވޯޓުލާފައިވެ އެވެ. އެ ފޮއްޓަކީ ޕީޕީއެމްގެ ރިޔާސީ ކެނޑިޑޭޓު އަބްދުﷲ
ޔާމީން 52.4 ޕަސަންޓު ގެންގޮސްފައިވާ ފޮއްޓެކެވެ.
މ.ރަތްމަންދޫ (k01.01.1) ފޮށްޓަށް ވޯޓުލުމަށް ރެޖިސްޓަރ ކޮށްފައިވަނީ
118 މީހުންނެވެ. ނަމަވެސް އެ ފޮށްޓަށް ވެސް 197 މީހުން ވޯޓުލާފައިވެ އެވެ.
އެފޮށިވެސް ޔާމީން ކާމިޔާބު ކުރައްވާފައިވަނީ 43.1 ޕަސަންޓު ކާމިޔާބު
ކުރައްވައިގެނެވެ.
އއ.ތޮއްޑޫ(u02.01.2) 2 ވޯޓުފޮށްޓަށް 479 މީހުން ވޯޓުލުމަށް ރެޖިސްޓާ
ކޮށްފައިވާއިރު އެ ފޮށްޓަށް ވެސް 763 މީހުން ވޯޓުލާފައިވާކަމަށް ދައްކަ
އެވެ. އެ ފޮށްޓަކީ 60.9 ޕަސަންޓުން ގާސިމް އިބްރާހިމް ކާމިޔާބު
ކުރައްވާފައިވާ ފޮއްޓެކެވެ.
No comments: