ރާއްޖޭގައި މިލިޓަރީ ވެރިކަމެއް ގާއިމް ކުރަން ދިވެހި ރާއްޖޭގެ އަސްކަރިއްޔާ އިން މަސައްކަތް ކުރާކަމަށް ފެތުރޭ އަޑުތަކަށް ބާރުލިބޭފަދަ މޭރުމަކުން ޔާމީން ޓްވީޓެއް ކުރައްވައިފިއެވެ.
މި ޓްވީޓްގައި ބުނެފައިވަނީ '11 ނޮވެމްބަރުގަ ރައީސަކު އިންތިޚާބު ނުކުރެވިއްޖެނަމަ އެންމެ ރަނގަޅުވާނީ އަސްކަރިއްޔާއިން ޤައުމު ހިންގެވުމާ ހަވާލުވުން' މިހެންނެވެ.
ޔާމީންގެ މި ޓްވިޓް އާއްމުވެފައިވާއިރު ރައީސް ނަޝީދުގެ ސަރުކާރުގައި ހޯމްމިނިސްޓަރުކަން ކުރެއްވި މުހައްމަދު އަސްލަމްއަށް މައުލޫމާތު ދިން ސްޕްރީމް ކޯޓުގެ އޮފިޝަލު ހާމަކޮށްފައިވާ ގޮތުގައި،
ރާއްޖޭގެ އަސްކަރިއްޔާ އިން ވެރިކަމާ ހަވާލުވެ 100 ދުވަސް ނުވަތަ 180
ދުވަހުގެ ތެރޭގައި އިންތިހާބެއް ބޭއްވުމުގެ މަސައްކަތް ކުރަމުންގެންދާ
ކަމުގެ ލިޔެކިޔުންތަކެއް ސުޕްރީމް ކޯޓުގައި ފަނޑިޔާރުން ގެންގުޅެމުން
ދާކަމަށާއި އެ ލިޔެކިޔުންތައް ފެނިފައިވާކަމަށް ކޯޓްގެ އޮފިޝަލަކު ބުނެފައިވާކަމަށް ވެއެވެ.
މީގެއިތުރުން ރާއްޖޭގެ އަސްކަރިއްޔާއިން ގެންދަނީ މިގައުމުގައި މިލިޓަރީ ވެރިކަމެއް
ގާއިމްކޮށް ރައްޔިތުންގެ މަޖްލީހާއި ކޯޓުތަށް އުވާލާ، އަބްދުﷲ ޔާމިން އާއި
ގާސިމް އިބްރާހީމް ހިމެނޭ މިލިޓަރީ ކޮމިޝަނެއް އެކުލަވާލުމުގެ މަސައްކަތް
ކުރަމުންކަމަށް އެ އޮފިޝަލަށް ފެނިފައިވާ ލިޔެކިޔުންތަކުގައިވާކަމަށް އޭނާ
ވަނީ ހާމަކޮށްފައެވެ.
No comments: