ކެމްޕޭން ދަތުރުފުޅެއްގައި އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝިދު މިއަދު ލ. އަތޮޅަށް ވަޑައިގަތުމަށް ހަމަޖެހިފައިވާކަމަށް މަޢުލޫމާތު ލިބިއްޖެއެވެ.
ރައީސް ނަޝިދުގެ މި ދަތުރުފުޅުގައި ލ. ފޮނަދުއަށް ވަޑައިގަތުމަށް ހަމަޖެހިފައިވަނީ މިއަދު އެވެ. މި ދަތުރުފުޅުގައި އެމްޑީޕީ ކެމްޕޭން ޓީމާއި ޕެޗް އެޖެންޓުންނާއި ބައްދަލުކުރެއްވުމަށް ހަމަޖެހިފައިވެއެވެ. އަދި މިއަދު މެންދުރުފަހު ލ. ގަމުގެ ކެމްޕޭން ޓީމުތަކާއި ޕެޗް އެޖެންޓުންނާއި ބައްދަލުކުރައްވާނެއެވެ.
ރައީސް ނަޝީދު ބައިވެރިވެލެއްވުމަށް ހަމަޖެހިފައިވާ އެމްޑީޕީގެ ޚާއްޞަ ބޮޑު ޖަލްސާއެއް މިރޭ ލ. ގަމުގައި އޮންނާނެ ކަމަށްވެސް މަޢުލޫމާތު ލިބިފައިވެއެވެ.
No comments: