މެޖިސްޓްރޭޓްކަމުގެ މަޤާމަށް ލ. އަތޮޅުގެ 3 ބޭފުޅަކާއި އިތުރު 8 ބޭފުޅަކު ޢައްޔަންކުރުމަށް ޖޭއެސްސީ އިން ނިންމައިފި

މެޖިސްޓްރޭޓް ކޯޓުތަކަށް މެޖިސްޓްރޭޓުން ހޯދުމަށް ޖޭއެސްސީ އިން މެޖިސްޓްރޭޓްކަމުގެ މަޤާމަށް ބޭފުޅުން ހޯދުމަށް ކުރި އިޢުލާނާއި ގުޅިގެން ލ. އަތޮޅުގެ 3 ބޭފުޅަކާއި އިތުރު 8 ބޭފުޅަކު މެޖިސްޓްރޭޓްކަމަށް ޢައްޔަންކުރުމަށް ޖޭއެސްސީ އިން ނިންމައިފި އެވެ.

މި ބޭފުޅުން އައްޔަން ކޮށްފައިވަނީ މެޖިސްޓްރޭޓް ކޯޓުތަކަށް މެޖިސްޓްރޭޓުން ހޯދުމަށް ކުރެވުނު ނަންބަރު C/1/2013/10195(19 އޯގަސްޓް 2013) އިޢުލާނާ ގުޅިގެން ކުރިމަތިލި ފަރާތްތަކުގެ ތެރެއިން ޝަރުތު ހަމަވެގެން އެކަމަށްޓަކައި ކަނޑައަޅާފައިވާ ކޮމެޓީން އިންޓަވިއުކޮށް ޖުޑީޝަލް ސާރަވިސަސް ކޮމިޝަނަށް ހުށަހެޅި ހުށަހެޅުމަށް ރިޢާޔަތްކޮށް، އެދިވަޑައިގެންފައިވާ ބޭފުޅުންގެ ތެރެއިން 11 ބޭފުޅަކު މެޖިސްޓްރޭޓްކަމަށް ޢައްޔަންކުރުމަށް މިމަހުގެ 7 ވަނަދުވަހު އެވެ.

އެގޮތުން އެބޭފުޅުންގެ ތެރެއިން ލ. އަތޮޅުން އައްޔަންކުރުމަށް ކަނޑައެޅި ބޭފުޅުންނާއި އެ ބޭފުޅުން ކަނޑައެޅި ކޯޓުތަކާއި މަޤާމުތައް ތިރީގައި މިވަނީއެވެ.

ލ.މާވަށު މެޖިސްޓްރޭޓް ކޯޓުގެ ކޯޓް އިސްމެޖިސްޓްރޭޓް	އެންދެރިމާގެ / ލ. މާވަށް	އިސްމާޢީލް މާހިރު
ތ.ކިނބިދޫ މެޖިސްޓްރޭޓް ކޯޓުގެ ކޯޓް އިސްމެޖިސްޓްރޭޓް	މުރިގު / ލ. އިސްދޫ	މުޙައްމަދު މުނާޒް
ތ.މަޑިފުށި މެޖިސްޓްރޭޓް ކޯޓުގެ ކޯޓް އިސްމެޖިސްޓްރޭޓް	ޒުނޯރިޔާ / ލ.އިސްދޫ	އަޙްމަދުނިޔާޒު

މީމީގެ އިތުރުން، ޢުމުރުން 55 އަހަރުވުމުން އަމިއްލައަށް އެދިގެން ވަކިވާ ފަނޑިޔާރުންނަށާއި، 55  އަހަރު ނުވިނަމަވެސް އަމިއްލައަށް އެދިގެން ޞިއްޙީ ސަބަބުތަކަށްޓަކައި މަޤާމުން މުސްކުޅިކުރާ ފަނޑިޔާރުންނަށް އިނާޔަތް ދިނުމުގައި ޢަމަލުކުރާނެ ގޮތުގެ ޤަވާޢިދު ގެ ދަށުން 6 މެޖިސްޓްރޭޓަކު އެބޭފުޅުން މިހާރު އަދާކުރައްވަމުން ގެންދަވާ މެޖިސްޓްރޭޓްކަމުގެ މަޤާމުން 1 ޑިސެމްބަރު 2013 އިން ފެށިގެން މުސްކުޅިކުރުމަށް ކޮމިޝަނުން ނިންމާފައިވެއެވެ.

އެ 6 ބޭފުޅުންގެ ތެރޭގައި ލ. މާމެންދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް ޢަލީ އާދަމް ހިމެނެއެވެ.