 |
| ތަސްމީނާއި ވިސާމް އެމްޑީޕީ އަށް ސޮއިކުރެއްވުމަށް އެ ޕާޓީގެ އޮފީހުގައި ބޭއްވި ރަސްމިއްޔާތުގައި |
ޑީއާރުޕީގެ ކުރީގެ ލީޑަރު އަދި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަހުމަދު ތަސްމީން އަލީ އާއި އޭނާގެ އަނބިކަނަބަލުން މަޑުއްވަރީ ދާއިރާގެ މެމްބަރު ވިސާމް އަލީ އެމްޑީޕީއާ އިއްޔެ ގުޅިވަޑައިގެންފި އެވެ.
ކުރިން ރާއްޖޭގެ އެންމެ ބޮޑު ޕާޓީގެ ގޮތުގައި އޮތް ޑީއާރުޕީގެ ކުރީގެ ލީޑަރާއި ޕާލިމެންޓްރީ ގްރޫޕް މެމްބަރު ވިސާމް ސޮއިކުރެއްވުމަށް އެމްޑީޕީ އޮފީހުގައި ބޭއްވި ރަސްމިއްޔާތަށް ފަހު ތަސްމީން ވިދާޅުވީ ޑީއާރުޕީ ދޫކޮށްލެއްވުމަށް ފަހު އެމްޑީީއާ ގުޅިވަޑައިގެންނެވީ މިއަދުގެ ސިޔާސީ ހަގީގަތްތަކަށް ބެއްލެވުމަށް ފަހުގައި ކަމަށެވެ.
މިއަދު ފެންނަން އޮތް ހަގީގަތަކީ ރާއްޖެ ހަމަހަމައަށް ދެބައިވެފައި އޮތްއިރު އެއް ބަޔަކީ 30 އަހަރުގެ އުސޫލްތަކަށް ތާއީދުކުރާ ބައެއް ކަމަށާއި އަނެއް ބަޔަކީ ރާއްޖެ އަށް ޑިމޮކްރެޓިކް އުސޫލްތައް ބޭނުންވާ ބައެއް ކަމަށް އޭނާ ވިދާޅުވި އެވެ.
"އަޅުގަނޑަކީ ޒަމާނީ ޑިމޮކްރެޓިކް އުސޫލްތައް ރާއްޖޭގައި ތަންފީޒުކުރެވޭނެ އުސޫލްތައް ގަބޫލުކޮށްގެން މަސައްކަތްކުރަމުން އައި މީހެއް. މިއަދުގެ ސިޔާސީ ހަގީގަތަށް ބަލާއިރު ރާއްޖޭގެ ރައްޔިތުން ގަބޫލުކުރާ ޑިމޮކްރެޓިކް ގޮތްތައް ރާއްޖޭގައި ތަންފީޒުކޮށް ތަރައްގީ އާއި ކުރިއެރުން ގެނެސްދެވެން އޮތީ އެމްޑީޕީއަށް ކަމަށް ގަބޫލުކުރެވޭތީ އަޅުގަނޑު މި ނިންމުން މި ނިންމީ،" ރިޔާސީ އިންތިހާބުގައި ކުރީގެ ރައީސް މުހައްމަދު ވަހީދުގެ ރަނިން މޭޓެއްގެ ގޮތުގައި ވާދަކުރެއްވި ތަސްމީން ވިދާޅުވި އެވެ.
އެމްޑީޕީއާ ގުޅިވަޑައިގެންނެވި ނަމަވެސް އޭނާ ނިސްބަތްވެވަޑައިގަންނަވާ ދާއިރާގެ މީހުން ފުރުސަތު ދީފިނަމަ ކުރިއަށް އޮތް ތަނުގައި ވެސް މަޖިލީހުގެ މެމްބަރެއްގެ ގޮތުގައި ދެމިހުންނަވާނެ ކަމަށް ތަސްމީން ވިދާޅުވި އެވެ.
ވިސާމް ވިދާޅުވި ގޮތުގައި އެއް ޕާޓީއަކުން ހުށަހެޅި މެނިފެސްޓޯއަށް ބަލާއިރު ގިނަ ރައްޔިތުން ތާއީދުކުރަނީ އެމްޑީޕީގެ މެނިފެސްޓޯ އަށެވެ. އެހެންކަމުން ސަރުކާރު ޒިންމާދާރުކުރުވާ ޕާޓީއެއްގެ ގޮތުގައި އެމްޑީޕީން ކުރާ މަސައްކަތަށް ފުރިހަމަ އެއްބާރުލުން ދެއްވާނެ ކަމަށް އޭނާ ވިދާޅުވި އެވެ.
ތަސްމީނާއި ވިސާމް އެމްޑީޕީއާ ގުޅިވަޑައިގަތުމުން މަޖިލީހުގައި އެ ޕާޓީގެ މެމްބަރުންގެ އަދަދު 35 އަށް އެރީ އެވެ.
އެމްޑީޕީގެ ޕާލިމެންޓްރީ ގްރޫޕުގެ ލީޑަރު އިބްރާހިމް މުހައްމަދު ސޯލިހް ވިދާޅުވީ ތަސްމީނާއި ވިސާމް އެ ޕާޓީއާ ގުޅިވަޑައިގަތުމަކީ ސަރުކާރު ޒިންމާދާރުކުރުވަން ލިބުނު އިތުރު ހިތްވަރެއް ކަމަށެވެ.
ތަސްމީނާއި ވިސާމް އެމްޑީޕީއާ ގުޅިވަޑައިގަތްއިރު ޑީއާރުޕީގެ ޕާލިމެންޓްރީ ގްރޫޕްގެ އިތުރު މެމްބަރުންތަކެއް ވެސް ވަރަށް އަވަހަށް އެމްޑީޕީ އަށް ސޮއިކުރައްވާނެ އެވެ.
ތަސްމީނާ އެކު އެ ޕާޓީގެ ތިން ޑެޕިއުޓީ ލީޑަރުން ކަމަށްވާ ތުލުސްދޫ ދާއިރާގެ މެމްބަރު ރޮޒެއިނާ އާދަމާއި އިބްރާހިމް ޝަރީފް (މަވޯޓާ) އާއި ވިލިނގިލި ދާއިރާގެ މެމްބަރު މުހައްމަދު ރާމިޒް އިސްތިއުފާ ދެއްވުމުން ޕާޓީގައި އިންތިހާބީ އެއްވެސް މަގާމެއް މިހާރު ނެތެވެ. ވަގުތީ ގޮތުން ޕާޓީ ހިންގެވުމާ ހަވާލުވެ ހުންނެވީ މަޖިލީހުގެ ނޮޅިވަރަމް ދާއިރާގެ މެމްބަރު މުހައްމަދު ނަޝީދު (ކާނަލް) އެވެ.
ނަޝީދު ވިދާޅުވީ ވަރަށް އަވަހަށް ޕާޓީގެ ކޮންގްރެސްއެއް ބާއްވައި އަލުން އަނބުރާ ކުރީގެ ޑީއާރުޕީގެ ގޮތުގައި އެ ޕާޓީ ފެންނާނެ ކަމަށެވެ.
ކުރިން ރާއްޖޭގެ އެންމެ ބޮޑު ޕާޓީގެ ގޮތުގައި އޮތް ޑީއާރުޕީގެ ކުރީގެ ލީޑަރާއި ޕާލިމެންޓްރީ ގްރޫޕް މެމްބަރު ވިސާމް ސޮއިކުރެއްވުމަށް އެމްޑީޕީ އޮފީހުގައި ބޭއްވި ރަސްމިއްޔާތަށް ފަހު ތަސްމީން ވިދާޅުވީ ޑީއާރުޕީ ދޫކޮށްލެއްވުމަށް ފަހު އެމްޑީީއާ ގުޅިވަޑައިގެންނެވީ މިއަދުގެ ސިޔާސީ ހަގީގަތްތަކަށް ބެއްލެވުމަށް ފަހުގައި ކަމަށެވެ.
މިއަދު ފެންނަން އޮތް ހަގީގަތަކީ ރާއްޖެ ހަމަހަމައަށް ދެބައިވެފައި އޮތްއިރު އެއް ބަޔަކީ 30 އަހަރުގެ އުސޫލްތަކަށް ތާއީދުކުރާ ބައެއް ކަމަށާއި އަނެއް ބަޔަކީ ރާއްޖެ އަށް ޑިމޮކްރެޓިކް އުސޫލްތައް ބޭނުންވާ ބައެއް ކަމަށް އޭނާ ވިދާޅުވި އެވެ.
"އަޅުގަނޑަކީ ޒަމާނީ ޑިމޮކްރެޓިކް އުސޫލްތައް ރާއްޖޭގައި ތަންފީޒުކުރެވޭނެ އުސޫލްތައް ގަބޫލުކޮށްގެން މަސައްކަތްކުރަމުން އައި މީހެއް. މިއަދުގެ ސިޔާސީ ހަގީގަތަށް ބަލާއިރު ރާއްޖޭގެ ރައްޔިތުން ގަބޫލުކުރާ ޑިމޮކްރެޓިކް ގޮތްތައް ރާއްޖޭގައި ތަންފީޒުކޮށް ތަރައްގީ އާއި ކުރިއެރުން ގެނެސްދެވެން އޮތީ އެމްޑީޕީއަށް ކަމަށް ގަބޫލުކުރެވޭތީ އަޅުގަނޑު މި ނިންމުން މި ނިންމީ،" ރިޔާސީ އިންތިހާބުގައި ކުރީގެ ރައީސް މުހައްމަދު ވަހީދުގެ ރަނިން މޭޓެއްގެ ގޮތުގައި ވާދަކުރެއްވި ތަސްމީން ވިދާޅުވި އެވެ.
އެމްޑީޕީއާ ގުޅިވަޑައިގެންނެވި ނަމަވެސް އޭނާ ނިސްބަތްވެވަޑައިގަންނަވާ ދާއިރާގެ މީހުން ފުރުސަތު ދީފިނަމަ ކުރިއަށް އޮތް ތަނުގައި ވެސް މަޖިލީހުގެ މެމްބަރެއްގެ ގޮތުގައި ދެމިހުންނަވާނެ ކަމަށް ތަސްމީން ވިދާޅުވި އެވެ.
ވިސާމް ވިދާޅުވި ގޮތުގައި އެއް ޕާޓީއަކުން ހުށަހެޅި މެނިފެސްޓޯއަށް ބަލާއިރު ގިނަ ރައްޔިތުން ތާއީދުކުރަނީ އެމްޑީޕީގެ މެނިފެސްޓޯ އަށެވެ. އެހެންކަމުން ސަރުކާރު ޒިންމާދާރުކުރުވާ ޕާޓީއެއްގެ ގޮތުގައި އެމްޑީޕީން ކުރާ މަސައްކަތަށް ފުރިހަމަ އެއްބާރުލުން ދެއްވާނެ ކަމަށް އޭނާ ވިދާޅުވި އެވެ.
ތަސްމީނާއި ވިސާމް އެމްޑީޕީއާ ގުޅިވަޑައިގަތުމުން މަޖިލީހުގައި އެ ޕާޓީގެ މެމްބަރުންގެ އަދަދު 35 އަށް އެރީ އެވެ.
އެމްޑީޕީގެ ޕާލިމެންޓްރީ ގްރޫޕުގެ ލީޑަރު އިބްރާހިމް މުހައްމަދު ސޯލިހް ވިދާޅުވީ ތަސްމީނާއި ވިސާމް އެ ޕާޓީއާ ގުޅިވަޑައިގަތުމަކީ ސަރުކާރު ޒިންމާދާރުކުރުވަން ލިބުނު އިތުރު ހިތްވަރެއް ކަމަށެވެ.
ތަސްމީނާއި ވިސާމް އެމްޑީޕީއާ ގުޅިވަޑައިގަތްއިރު ޑީއާރުޕީގެ ޕާލިމެންޓްރީ ގްރޫޕްގެ އިތުރު މެމްބަރުންތަކެއް ވެސް ވަރަށް އަވަހަށް އެމްޑީޕީ އަށް ސޮއިކުރައްވާނެ އެވެ.
ތަސްމީނާ އެކު އެ ޕާޓީގެ ތިން ޑެޕިއުޓީ ލީޑަރުން ކަމަށްވާ ތުލުސްދޫ ދާއިރާގެ މެމްބަރު ރޮޒެއިނާ އާދަމާއި އިބްރާހިމް ޝަރީފް (މަވޯޓާ) އާއި ވިލިނގިލި ދާއިރާގެ މެމްބަރު މުހައްމަދު ރާމިޒް އިސްތިއުފާ ދެއްވުމުން ޕާޓީގައި އިންތިހާބީ އެއްވެސް މަގާމެއް މިހާރު ނެތެވެ. ވަގުތީ ގޮތުން ޕާޓީ ހިންގެވުމާ ހަވާލުވެ ހުންނެވީ މަޖިލީހުގެ ނޮޅިވަރަމް ދާއިރާގެ މެމްބަރު މުހައްމަދު ނަޝީދު (ކާނަލް) އެވެ.
ނަޝީދު ވިދާޅުވީ ވަރަށް އަވަހަށް ޕާޓީގެ ކޮންގްރެސްއެއް ބާއްވައި އަލުން އަނބުރާ ކުރީގެ ޑީއާރުޕީގެ ގޮތުގައި އެ ޕާޓީ ފެންނާނެ ކަމަށެވެ.
No comments: