ރައީސް މުހައްމަދު ވަހީދު ހަސަންމަނިކު ދާދިފަހުން ށ. ފޯކައިދޫއަށް ވަޑައިގެން ދަތުރުތުގައި އަސުރުނަމާދުގެ ފަހުން ސުންނަތް ކުރެއްވި ކަމަށް އެމްވީ ޓައިމްސް އަށް ވަރަށް އިތުބާރު ހުރި ފަރާތަކުން މައުލޫމާތު ލިބިއްޖެ އެވެ.

މައުލޫމާތު ލިބިފައިވާ ގޮތުގައި، ރައީސް ވަހީދު އަސުރުނަމާދަށްފަހު ސުންނަތް ކުރެއްވުމަށްފަހު މިސްކިތުން ފައިބާ ވަޑައިގަންނަވާ، މިސްކިތުގައި ތިއްބެވި އެހެން ބޭފުޅުން އަސުރު ނަމާދު ފަހު ސުންނަތް ނުކުރެއްވީ ކީއްވެތޯ ސުވާލު ކުރައްވާފައިވެ އެވެ.

އަސުރު ނަމާދުގެ ފަހު ސުންނަތުން ސާބިތުވާ ކަމެއް ނޫންކަމަށް ދަންނަބޭކަލުން ވިދާޅުވެ އެވެ.

މި މައުލޫމާތާއި ގުޅިގެން ރައީސް އޮފީހަށް ގުޅާ މައުލޫމާތު ސާފުކުރަން މަސައްކަތް ކުރުމުން ރައީސް އޮފީހުން ބުނީ “އެމްވީ ޓައިމް ކިއާ އޮންލައިން ނޫހެއް ނުދަންނަން” ކަމަށެވެ. ވަކި ނޫހަކަށް މައުލޫމާތު ނުދުނަކީ، ގާނޫނު އަސާސީގެ 27، އަދި 28 ވަނަ މާއްދާއިން ލިބިދޭ ހިޔާލު ފާޅުކުރުމުގެ މިނިވަންކަމާއި، މައުލޫމާތު ހޯދައި ލިބިގަތުމުގެ މިނިވަން ކަމާއި، ނޫސްވެރިކަން ކުރުމުގެ މިނިވަންކަމަށް ހުރަސްއެޅޭ ކަމެކެވެ.

ޚަބަރު:  އެމްވީ ޓައިމް