ފަސޭހަކަމާއެކު ފަސްމިނެޓުން ތައްޔާރުކޮށްލެވޭ އަނގަޔަށް މީރު ޕުޑިންގ އެއް

ފޮނިކާތަކެއްޗަކީ އަޅުގަނޑުމެން ގިނަބަޔަކަށް ވަރަށް ކަމުދާ ކާނާއެއްކަމާމެދު ދެބަސްވާނެ މީހަކު ނުހުންނާނެއެވެ. ޚާއްޞަކޮށް މިފަދަ ވިއްސާރަ މޫސުމެއްގައި ފޮނިކާއެއްޗެއް ކާލުމަކީ ވަރަށް ގިނަފަހަރަށް ކުރާހިތްވާ ކަމެކެވެ. ކުރީ ޒަމާނުގައި ވިއްސާރަ މޫސުމާ ދިމާކޮށް ގޭގޭގައި ފުށް ބޮނޑިބަތް ކައްކާ އުޅުނުކަން އުމުރުން ދުވަސްވީ މީހުންނާއި ވާހަކަދައްކާލުމުން އެނގެއެވެ.

އެލްއޭ ނިއުސްގެ ކިޔުންތެރިންނަށް މި ހުށައަޅާލަނީ ފަސޭހަކަމާއެކު ފަސްމިނެޓުން ތައްޔާރުކޮށްލެވޭ އަނގަޔަށް މީރު ޕުޑިންގ އެއް ހަދާނެ ގޮތެވެ. އަޅުގަނޑު މި މީރު ކެއުން މިއަދު އަމިއްލައަށް ހަދައި ތަޖްރިބާ ކޮށްލެވުމުން މީގެ ފުރިހަމަ ކަމުގެ ވާހަކަ ދައްކާނުލާ ހުންނަން ދަތިވާ ވަރުވެއްޖެއެވެ.

މިއީ މިހާރު އަލަށް ތަޢާރަފް ވެފައިވާ 'ކެންޓް ބޮރިންގަރ ބްރޭންޑް' ގެ ޕުޑިންގ ފުށް ޕެކެޓުން ތައްޔާރުކުރާ ޕުޑިންގ އެކެވެ.

ބޭނުންވާނެ ތަކެތި:

1 ކެންޓް ބޮރިންގަރ ޕުޑިންގ ޕުށް ޕެކެޓް (މިވަގުތު ލ. ފޮނަދޫ ހެޓްރިކް ޓްރޭޑްން ލިބެން އެބަހުރި)
3.5 ޖޯޑުގެ މިލްކް ސްކިމް ނުވަތަ ދިޔާކިރު (މިވަގުތު ފޮނަދޫ އެސްޓީއޯ 134 ނަންބަރު ފިހާރައިން ދެ ޕެކެޓް ގަތުމުން 2 ޕެކެޓް ހިލޭ ލިބޭ ޕްރޮމޯޝަންގައި ވިއްކަމުންދާ ކިރު ޕެކެޓް ކަމުދާނެ)

ތައްޔާރުކުރާނެ ގޮތް:
ތެއްޔެއް ނުވަތަ ބޯތައްޓަކަށް ފިނިކޮށްފައިވާ ދިޔާ ކިރުގެ 3.5 ޖޯޑު އެޅުމަށްފަހު އޭގެ ތެރެއަށް ކެންޓް ބޮރިންގަރ ޕުޑިންގ ފުށްޕެކެޓް އަޅާ ރަނގަޅަށް ގިރާށެވެ. އެއަށްފަހު މަޑު ގިނީގައި ރަނގަޅަށް އޮލަވާންދެން ކައްކާށެވެ. (ކެއްކުމަށް ހޭދަވަނީ 5 ވަރަކަށް މިނެޓެވެ.)

ޕުޑިންގ ކެކުމުން ތައްޓަކަށް ނުވަތަ ޓްރޭ އަކަށް އަޅާފައި ހިހޫކުރަން ބަހައްޓާށެވެ. ހިހޫވުމުން ފްރިޖް ކުރުމަށްފަހު އިންސާފު ކުރައްވާށެވެ.