ލ. އިސްދޫގައި ހިންގި މާރާމާރީއަކާ ގުޅިގެން ބަންގްލަދޭޝްގެ 2 މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.

މި މައްސަލައާއި ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ 20 އަހަރުގެ ފިރިހެނަކާއި 19 އަހަރުގެ ފިރިހެނެކެވެ. މިހާތަނަށް ބެލިބެލުމުން އެނފައިވާގޮތުގައި މި ދެމީހުންނަކީވެސް ޤަވާއިދާއި ޚިލާފަށް ރާއްޖޭގައި އުޅެމުން އަންނަ ދެ މީހުންނެވެ.

މިދެމީހުންވެސް ފުލުހުންގެ ބެލުމުގެ ދަށަށް ގެނެސްފައިވަނީ މި އޮކްޓޯބަރު މަހުގެ 20 ވަނަ ދުވަހުގެރޭ 19:25 ހާއިރު ލ. އިސްދޫއިންނެވެ.

މި މާރާމާރީގައި އަނިޔާވެފައިވަނީ 19 އަހަރުގެ މީހާއަށެވެ. މިމާރާމާރީގެ ސަބަބުން އޭނާގެ ބޯ ފަޅައިގެން ދިއުމުގެ ސަބަބުން އޭނާއަށް ލ. އިސްދޫ ސިއްޙީ މަރުކަޒުގައި ފަރުވާދިނުމަށްފަހު މިހާރުވަނީ ދޫކޮށްލާފައެވެ.

މި މައްސަލަ ލ.އިސްދޫ ޕޮލިސް ސްޓޭޝަނުން  ތަހުޤީޤު ކުރަމުން ގެންދަވާކަމަށް ފުލުހުން މަޢުލޫމާތުދެއެވެ.