ލ. ގަން ސިނާއީ މަގުން ބާރު ސްޕީޑުގައި ދުއްވާފައި ދިޔަ ކާރެއް ރުކެއްގައި ޖެހި ނުރައްކާތެރި އެކްސިޑެންޓެއް ހިނގައިފިއެވެ.

މި އެކްސިޑެންޓްގެ މަޢުލޫމާތު ފުލުހުންނަށް ލިބިފައިވަނީ މިމަހުގެ 11 ވަނަ ދުވަހު ހެނދުނު 09:15 ހާއިރުއެވެ. މި އެކްސިޑެންޓްގައި ކާރު ދުއްވަން އިން މީހާއަށް އަނިޔާއެއް ނުވެ ސަލާމަތްވެފައިވާއިރު ކާރަށް ވަނީ ބޮތެޑި ގެއްލުންތަކެއް ވެފައެވެ. އެގޮތުން ކާރުގެ ކުރީކޮޅު ބޭނުންނުކުރެވޭ ވަރަށް ހަލާކުވެފައިވާއިރު ކާރު ޖެހުނު ރުއް ވަނީ ބިމުން ލުހި، ބިންދައިގެންގޮސް ފައެވެ.

މިހާތަނަށް ބެލިބެލުމުން އެނގިފައިވާގޮތުގައި މި އެކްސިޑެންޓް ހިނގާފައިވަނީ ސިނާއީ މަގުން މުކުރިމަގުން ތުނޑީ އަވަށާ ވީކޮޅަށް ބާރު ސްޕީޑުގައި ދުއްވާފައިދަނިކޮށް  ކާރު ކޮންޓްރޯލް ނުވެ ގޮސް މަގު މެދުގައި ހުރި  ރުކެއްގައި ޖެހިގެންނެވެ.

މި އެކްސިޑެންޓްގައި ކާރު ދުއްވަން އިނީ ކުޑަކުއްޖެކެއެވެ.

މި އެކްސިޑެންޓް ލ. ގަން ޕޮލިސް ސްޓޭޝަނުން ދަނީ ތަހުޤީޤް ކުރަމުންނެވެ.