ލ.ފޮނަދޫގެ ކަރަންޓް މައްސަލަ ހައްލުނުވެ 9
މަސްވެފައިވާތީ، އެކަމާ ކަންބޮޑުވުން
ފާޅުކުރުމުގެ ގޮތުންނާއި މިކަން ކަމާބެހޭ އިސްފަރާތްތަކުގެ ސަމާލުކަމަށް ގެނައުމަށްޓަކައި “އޮޕަރޭޝަން ފުޅިބައްތި”
ނަމުގައި ފުޅިބައްތި ހިފައިގެން
ހިނގާލުމެއް ފޮނަދޫގެ މަގުތަކުގައި މިމަހުގެ 23 ވަނަ ދުވަހުގެ ރޭ ބާއްވައިފި އެވެ.
މި ހިނގާލުމުގައި 250 މީހުންވަރު ބައިވެރިވެފަވާއިރު
ހިނގާލުން ފެށުނީ 20:00 ގައި ފޮނަދޫ އިންޖީނުގޭ
ކައިރިންނެވެ. އަދި ހިނގާލުން ނިންމާލީ ވެސް އިންޖީނުގެ ކައިރިއަށެވެ.
ހިނގާލުމުގެ ބައިވެރިން ކަރަންޓް މައްސަލަ
މިހާރުން މިހާރަށް ހައްލުކޮށްދިނުމަށާއި ނަރުދަމާ ނިޒާމުގެ ޚިދުމަތް ދޭންފެށުމަށް
ގޮވާލާފައިވެއެވެ. ހިނގާލުމުގެ ބައިވެރިންގެ އަޑު އެހުމަށް ސަރުކާރާއި ފެނަކައިން
ވެސް އެއްވެސް ބޭފުޅަކު އިންޖީނުގޭ ސަރަޙައްދަށް ގޮސްފައެއް ނުވެއެވެ.
No comments: