ކަލައިދޫ އަކީ ވަކިރަށެއްގެ ގޮތުގައި ރައީސް ކަނޑައަޅުއްވައިފި

ލ. އަތޮޅު ކަލައިދޫ އަކީ އެއަތޮޅު އިސްދޫއާ ވަކިން އޮންނަ، މީހުން ދިރިއުޅޭ ވަކިރަށެއްގެ ގޮތުގައި ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ކަނޑައަޅުއްވައިފި އެވެ.

ރައީސުލްޖުމްހޫރިއްޔާ އެގޮތަށް ކަނޑައަޅުއްވާފައި ވަނީ މިއަދު ނެރުއްވި ގަރާރަކުންނެވެ.

މިގޮތަށް ރައީސް ކަނޑައެޅުއްވީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން 14 އޮކްޓޫބަރު 2010 ގައި ދިވެހި ސަރުކާރުގެ ގެޒެޓުގައި ޝާއިއު ކޮށްފައިވާ ދިވެހިރާއްޖޭގައި މީހުން ދިރިއުޅޭ ރަށްތައް ކަނޑައެޅުމުގެ ގަރާރަށް ގެންނެވި އިސްލާހަކުންނެވެ.