ހަމްދީ އާއި އެކު ވޮއިސް ޓްރޭނިން - ލ. ފޮނަދޫ

މުދައްރިބެއްގެ ގޮތުން މަޝްހޫރު ލަވަކިޔުންތެރިޔާ ހަމްދީ ތަމްރީނުދެއްވާ ވޮއިސް ޓްރޭނިންގ ކޯހެއް ރޭ ލ. ފޮނަދޫގައި ފަށައިފި އެވެ. މި ކޯހަކީ އެމްއެންޑީއެފް ސެންޓްރަލް އޭރިއާ އާއި ލ. ފޮނަދޫ ބަރާސިލު އެކުވެރި ރައްޔިތުންގެ ކޯޕަރޭޓިވް ސޮސައިޓީ އާއި އެ ސޮސައިޓީއާއެކު ޙަރަކާތްތެރިވާ ބައްރު ކުލަބުން ހިންގާ ކޯހެއް ކަމަށް މަޢުލޫމާތު ލިބެއެވެ.

މި ކޯހުގައި ގަން-ފޮނަދޫގެ ތިރީހަށްވުރެ ގިނަ މީހުން ބައިވެރިވެފައިވާކަމަށް މަޢުލޫމާތު ލިބެއެވެ. ރޭ ފެށިގެން ދިޔަ މި ކޯހުގައި އަޑުގައި ހިމެނޭ 7 އަޑުކަމަށްވާ 'ސަރެގަމަ...' ގެ މައްޗަށް ފިލާވަޅެއް ކުރިއަށް ގެންގޮސްފައިވެއެވެ. ބައިވެރިން ވަރަށް ޝައުޤުވެރިވާފަދަ ގޮތަކަށް ކުރިއަށްގެންދިޔަ ފިލާވަޅުގައި އިހުގެ ހިންދީ ލަވައެއް އޭގެ އަޑުތަކާއި ނޯޓްތައް އަދި ވޭރިއޭޝަން ތައް އޮޅުންފިލުވައިދެއްވިއެވެ.

މި ކޯހަކީ 4 ހަފުތާގެ މުއްދަތަށް ހިންގާ ކޯހެކެވެ.